Қазақстанның АЭС салуға қанша қаражат жұмсайтыны белгілі болды

Қазақстанның атом стансасын салуға қанша қаражат жұмсауға дайын екенін ҚР Энергетика министрлігінің Атом энергетикасы және өнеркәсіп департаментінің директоры Жасұлан Қасенов айтты.

«Қаражат туралы айтар болсақ, халықаралық тәжірибе көрсеткендей, қуаттылығы 1000-1200 мегаватт болатын бір энергоблок құрылысы шамамен 5 млрд доллар тұрады.

Бұл халықаралық тәжірибе екенін, атом электр стансасын салудың әлемдік нарығы көрсетіп отырған баға екенін тағы да қайталаймын. Әрине, дәлірек соманы нақты мердігерді анықтағаннан кейін және келіссөздер барысында ғана анықтауға болады. Бұл көптеген факторға байланысты болып отыр. Бірақ болжамды сома – осы» деді Қасенов.

Алайда қаражаттың қайдан бөлінетіні әлі толық зерттелмеген. Ол келіссөздер кезінде талқыланады.