Қазақстанға «Спутник V» вакцинасы жеткізілді

Мемлекет Басшысы Қасым-Жомарт Тоқаевтың тапсырмасымен 1 ақпаннан Қазақстанда «Спутник V» екпесімен ерікті түрде вакцинациялау науқаны басталады, деп хабарлайды Денсаулық сақтау министрлігіне сілтеме жасап ORDA.

Бұған дейінгі  жасалған келісім бойынша Қарағанды фармацевтикалық кешені елге «Спутник V» вакцинасының алғашқы партиясын жеткізді. Ақпан айында Қарағанды фармацевтикалық кешені вакцинаның - 112 мың дозасын, наурызда - 150 мың, сәуірден маусымға дейін ай сайын - 600 мың доза жеткізетін болады.

Жалпы жоспар бойынша сәуір айынан бастап 75 мың доза көлемінде «QazCovid-in» отандық вакцина салынады. Оның көлемі ай сайын 500 мың дозаға көбейіп отырады.

Бірінші кезекте халықтың жекелеген топтарына: медицина қызметкерлері, полицейлер, әскери қызметкерлер және т. б. вакцина егіледі. Алдымен вакцинациялауға профилактикалық егуге қарсы көрсеткіштері жоқ адамдар жіберіледі. Екпе егу алдында дәрігер пациентті міндетті түрде тексеруге тиіс.

Егу пункттерінің дайындығы тексеріліп, профилактикалық егу жүргізу мәселелері бойынша стандартты операциялық рәсімдер бекітілді. Осы іс-шараны жүзеге асыру мақсатында 2 мыңнан астам медицина қызметкері оқытылып, арнайы дайындықтан өтті.