Қазақстан АҚШ-тан тегін 2 миллион доза вакцинаны алады

КТК арнасының хабарлауынша, Америка Құрама Штаттары Қазақстанға гуманитарлық көмек ретінде Pfizer вакциналарының үлкен партиясын жібермек.

 «Moderna» және «Johnson & Johnson» компанияларының препараттарын да елге жеткізуге болатыны белгілі. Қазақстанға барлығы 2 миллион доза тегін вакцина беріледі.

«Менің ойымша, Қазақстан шынымен де көмекке мұқтаж емес, сіздің жеке вакцинаңыз бар. Бірақ Америка Құрама Штаттарына кіруге жаңа шектеулер болғандықтан, қазір вакциналардың кейбір түрлеріне сұраныс артып отыр» деді АҚШ Мемлекеттік хатшысының көмекшісі Дональд Лу.

Қазір Қазақстанда Pfizer шектеулі санаттағы азаматтарға ғана қолжетімді, бұл балалар, жүкті және бала емізетін әйелдер. Вакцинаның бірінші дозасын қазірдің өзінде 155 305 жасөспірім, 11 579 жүкті әйел және 28 199 бала емізетін әйел алған.

Денсаулық сақтау министрі Алексей Цой алдағы уақытта қазақстандықтар өз қалауы бойынша ақылы негізде Пфайзер вакцинасын егуге болатынын айтты. Қазір жеткізушімен келіссөздер жүргізілуде. Вакцинаның қанша тұратыны әлі де белгісіз.