«Қазақстанға санкция салу керек» деген британдық депутат сыртқы істер министрлігіне шақырылды

ҚР Сыртқы істер министрлігі «Қазақстанға санкция салу керек» деген британдық депутаттың сөзіне байланысты Ұлыбритания тарапынан түсініктеме күтіп отыр.

Күні кеше Ұлыбритания парламентінің мүшесі Маргарет Ходж Украинадағы әскери операцияға байланысты Ресейге қарсы санкцияны талқылау кезінде Қазақстан мен Әзірбайжанға да санкция салуға ұсыныс жасады. Оның айтуынша, бұл екі ел Ресейді қолдауы мүмкін. Өз кезегінде Ұлыбритания сыртқы істер министрі Лиз Трасс ұсынысты зерттеп көру керектігін айтты.

«Бұл парламентте сөз сөйлеген бір депутаттың мәлімдемесі. Ұлыбританияның Қазақстандағы елшісі (Кэти Лич) бүгін сыртқы істер министрлігіне шақырылды. Біз одан осы жағдайға қатысты түсініктеме күтеміз» деді сыртқы істер министрінің орынбасары Шахрат Нұрышев.