Қазақша рэп айтқан африкалық қызу талқыға түсті

Ғаламторда африкалық азаматтың қазақ тілінде рэп оқыған бейнежазбасы қызу талқыланып жатыр. Жылқыға мінген ол ауыл ішінде қазақша өлең құрап, бір топ жігіттің ризашылығына бөленді.

Блогер Бақыткелді Ниязбековтың Facebook-тегі парақшасында африкалық жігіттің қазақ тілінде өлең айтқаны жарияланды. Видеодан ауыл ішінде атпен келе жатқан 5-6 жігіттің қара баланың өнеріне ризашылық танытқанын көруге болады. Ол «Армандар орындалады» деп өлең айтты.

– Кел, жақын сөйлесейік. Айтарым саған, Бізде бәрі бар. Батыр болыңдар. Армандар орындалады, - дейді ол.

Видео авторының айтуынша, шетелдіктердің өзі қазақ тілін үйреніп алғанда, бір ауыз қазақша білмейтін азаматтар ұялуы керек.