Қазақ күйлерінің антологиясы АҚШ-та тұсауын кесті

Америка Құрама Штаттарына қазақ күйлерінің антологиясы да жетті. Қазақ, орыс және ағылшын тілдерінде жарияланған «Аманат» атты жинақта қазақтың 500 күйі бар.

Жоба «Сауап» қоғамдық қорының бірнеше жылға созылған зерттеу жұмыстарының жемісі.  Авторлар жоба бойынша  елдің музыкалық мұрасын алдағы уақытта Азия және Еуропа елдерінде насихаттауды көздеп отыр.

– Тәуелсіздігіміздің отыз жылдығына орай Қазақ халқының өнерін және күйлерін әлем елдеріне таныстыруды жөн көрдік. Шетелдіктер қазақтардың бай музыкалық мәдениетін білуі керек деп ойлаймын. Әр күйді іздеп, табу үшін зерттеу жұмыстарын жүргізу, архивтерді ақтару және оны цифрлік форматқа көшіру сынды бірталай қиындықтар болды. Соған қарамастан мәдениетімізді насихаттауға арналған туындымыз жарық көріп отыр, - дейді қор өкілі Муслим Хасенов.