Ауруханада шу шығарған Атырау тұрғыны ұсталды

Ауруханада шу шығарған Атырау тұрғыны әкімшілік құқық бұзушылық жасағаны үшін кінәлі деп танылды.

Бұл туралы atpress.kz қалалық полиция департаментіне сілтеме жасап хабарлайды.

«42 жастағы ер адам облыстық ауруханаға емделуге келіп, өзін дөрекі ұстай бастады. Ол медбикені балағаттап, өзгелерді сыйламаушылық танытып, қоғамдық тәртіп пен азаматтардың тыныштығын бұзатын әрекеттер жасаған» деп жазады басылым.

Оған қатысты әкімшілік хаттама толтырылды. Ер адам әкімшілік құқық бұзушылық жасағаны үшін кінәлі деп танылып, бес тәулікке дейін бас бостандығынан айыру түріндегі әкімшілік жауапкершілікке тартылды.