Ауғанстаннан келген көп балалы қазақ отбасы апатты жағдайда тұруға мәжбүр

Ауғанстаннан көшіп келген 5 баласы бар қазақстандық отбасы Түркістанда қираған үйді жалдап тұрады, деп хабарлайды Kyn.kz.

Ауғанстаннан Түркістанға көшіп келген 37 жастағы бес баланың анасы қиын жағдайын айтып берді. Әйел отбасымен Қазақстанға он жыл бұрын оралған. Олар қираудың аз-ақ алдында тұрған үйді жалға алады. Бұл отбасы қолжетімді баспана кезегінде тұр. Алайда, кезек мүлде қозғалмайды.

- Менің бес балам бар. Құдайға шүкір, балаларым қазақ әріптерін біледі, оқи алады. Ауғанстандағы соғысқа байланысты жағдай қиындай бастағанда ағаларым бізді Қазақстанға көшірді. Бірақ менің ата-анам, бауырларым мен әпкелерім Ауғанстанда қалды, - дейді әйел.

Оның айтуынша, күйеуі екеуі 50 мың теңгеге үй жалдап тұрады. Жұбайының жұмыс істеп тапқан ақшасы тек нанға ғана жетеді.