Ауғанстан азаматтары Қазақстанға заңсыз қоныстанған – ҰҚК

Ұсталған азамат Қазақстанда тұруға, болу мерзімін ұзартуға немесе тұруға рұқсат алуға мүмкіндік беретін жалған құжаттарды, соның ішінде төлқұжат та жасаған.

13 қазанда ҰҚК шекара қызметі Алматы прокуратурасымен бірлесіп, Ауғанстан азаматтары ұйымдастырған  Қазақстанға заңсыз көші-қон арнасының жолын кесті.

ҰҚК шекара қызметі «Боран» арнайы жасағы күштерін жұмылдырып, бірлесе отырып,  шетел азаматының басқаларға Орталық Азия елдерінің бірінің жалған төлқұжатын беріп,  1,5 мың доллар ақша алып жатқан жерінен қолға түсірді.

Тінту кезінде ер адамнан бірнеше қазақстандық ұйымның мөрлері, 20 ауған төлқұжаты, туу туралы куәлік және Қазақстан Республикасының азаматтығын алуға, тұруға ықтиярхат алуға, тіркеуге және елде болу мерзімін ұзартуға негіз болатын басқа да құжаттар тәркіленді.

Факті сотқа дейінгі тергеп-тексерудің бірыңғай тізіліміне  тіркелді. Ұсталған адамға заңсыз көші-қон ұйымдастырды деген айып тағылып отыр. Бұл бап бойынша санкция не 2000 АЕК (6 миллион теңге) көлемінде айыппұл салу, не екі жылға дейін бас бостандығынан айыру. Қазіргі уақытта ұсталған азамат Алматы қалалық ІІД уақытша ұстау изоляторына  қамалды.