Ауа райы қолайсыздығынан 460 шақырым электр  желісі зақымданды KEGOC

Ауа райының қолайсыздығына байланысты Екібастұз – Ағадыр электр желісі ажыратылды, деп хабарлады ведомствоның баспасөз қызметі.

Секундына 30 метр дауыл соғып, қарлы боран мен қар, Қазақстанның 500 кВ «Солтүстік-Оңтүстік» транзитіне кіретін 500 кВ Л-5170 Екібастұз – Ағадыр электр желісіне зақым келтірді.

«KEGOC» АҚ электр желілерін авариялық-бақылау автоматтандыруы штаттық режимде жұмыс істеді, қалған 500 кВ «Солтүстік-Оңтүстік» транзиттік желілерінің шамадан тыс жүктелуіне жол берілмеді.  Сонымен қатар  Қазақстанның оңтүстік және орталық аймақтарын, тағы бір бөлігін авариялық бақылау тоқтатылды. Қызметкерлер Қазақстан мен Қырғызстанның энергетикалық жүйелері генерациялық қуаттарының қолда бар резервтерін жедел іске қосты. Тұтынушылық шектеулерді жою үшін қажетті жағдай жасалып, 41 минуттан кейін оны қосу туралы бұйрық берілді. Тұтынушыларды электрмен қамту толық көлемде қалпына келтірілді»  делінген хабарламада.

«KEGOC» АҚ-ның «Солтүстік» және «Орталық» филиалдарының 36 маманы мен 14 бірлігі арнайы техникадан құралған авариялық-құтқару жұмыстары бригадасы электр беру желісіндегі ақауларды жоюға аттанды.

«Бұл жүйенің электр беру желісінің ұзындығы шамамен 460 шақырымды құрайды. Әзірге үш аймақтағы ақау табылды. Қалпына келтіру жұмыстары жүргізілуде, оған қолайсыз ауа райы жағдайлары (қар, қатты жел) кедергі келтіреді. «KEGOC» АҚ авариялық-қалпына келтіру жұмыстарын тезірек аяқтау үшін барлық шараларды қабылдауда» делінген хабарламада.