Автомобиль көлігімен жанар-жағармай тасуға шектеу ұзартылды

Қазақстан өз аумағынан дизельдік отынды автомобильмен экспорттауға шектеуді тағы алты айға ұзартты, деп хабарлайды Қазақстан Республикасы Сауда және интеграция министрлігі.

«Қазақстан 2023 жылдың 31 қаңтары мен 31 шілдесі аралығында қолданыста болатын дизельдік отын мен мұнай өнімдерінің жекелеген түрлерін республика аумағынан автомобиль көлігімен әкетуге шектеулерді тағы 6 айға ұзарту туралы шешім қабылдады» делінген хабарламада. 

Шешім Сыртқы сауда саясаты және халықаралық экономикалық ұйымдарға қатысу жөніндегі ведомствоаралық комиссия отырысында қабылданды.