Автокөліктерге арналған VIP-нөмірлерді енді ғаламтор арқылы сатып алуға болады

Көліктеріндегі «беделді» нөмірлерді ұнататын қазақстандықтар енді оларды онлайн сатып ала алады.

Өткен жылдың өзінде көлік иелері шамамен 6 миллиард теңгеге VIP нөмірлер сатып алған. Қазақстандықтарға көліктерге мұндай нөмірлерді сатып алуды жеңілдету үшін Ішкі істер министрлігі оларды таңдау және брондау қызметін әзірледі. Сервис Цифрлық даму министрлігінің «Smart Bridge» сервисінде орналасқан, оған қолжетімділік мемлекеттік қызметтерді көрсетумен айналысатын барлық интеграциялық платформаларға, соның ішінде екінші деңгейлі банктердің мобильді қосымшаларына арналған.

Сонымен қатар, тұрғындарға ыңғайлы болу үшін Ішкі істер министрлігі бұл қызметті eGov.kz электронды үкімет порталындағы жеке кабинетке енгізу мәселесін пысықтауда.

Өткен жылдардағы талдау көрсеткендей, бұл жыл сайын 20 мыңнан астам азаматқа халыққа қызмет көрсету орталықтарына бармай-ақ, болашақта автокөліктерді тіркеу кезінде, оның ішінде онлайн режимінде тағайындау үшін мобильді қосымшалар арқылы «беделді» нөмірлерді таңдап, брондауға мүмкіндік береді.