Автобус жолаушыларын құтқарған мектеп оқушысы марапатталды

Бақылаусыз жүріп келе жатқан жолаушылырға  толы автобусты тоқтатқан сегізінші сынып оқушысын ерен ерлігі үшін Алматы облысының әкімі Марат Сұлтанғазиев марапаттады.

Естеріңізге сала кетейік, 22 қарашада көлік жүргізіп келе жатқан автобус жүргізушісі сырқаттанып, жолда есінен танып қалған болатын. Бұл кезде автобуста жолаушылар болған. Сол маңда жүрген сегізінші сынып оқушысы Ақжол автобусқа жүгіріп кіріп оны тоқтатты.

Осындай батыл әрекеті үшін Марат Сұлтанғазиев оқушыға алғыс хат пен iPhone 15 телефонын сыйға тартты.

«Мұндай әрекет ерекше алғыс пен құрметке лайық. Біз барша жастарға үлгі болуға тиіс бүгінгі күннің жас батырын мақтан тұтамыз», – деді Алматы облысының әкімі.