Автобус апатынан соң аяғынан айырылған қызға 20 млн-ға жуық қаражат беріледі

Астанада кеше болған автобус апатынан аяғынан айырылған қыздың отбасына 19,6 миллион теңге беріледі, деп хабарлайды Orda.kz. 

Астанада жолаушылар автобусы бағанаға соғылған соң, 15 адам зардап шеккен еді. Олар «Еуразия» СҚ бөлімінен өтемақы алады. Оларға амбулаторлық немесе стационарлық емдеуге жұмсалатын шығын үшін кемінде 200 АЕК, яғни 786 мың теңге беріледі. 

Қазір сол 15 адамның үшеуі ауруханада ауыр жағдайда жатыр. Бүгін дәрігерлерге зардап шеккен 8 жасар қыздың аяғын кесуге тура келді. Енді қызға I топ – 5 000 АЕК немесе 19,6 миллион теңге беріледі. 

Еске салайық, автобус жүргізушісі ұсталып, қылмыстық іс қозғалды.