Автобус аялдамасына билборд құлап, үш адам зардап шекті.

Оқиға кешкі уақытта Ә.Молдағұлова даңғылында «Золотой квартал» тұрғын үй кешені маңында болды.

Жарнамалық тақтаны орнату кезінде құрылымның бір бөлігі аялдаманың әйнек шатырына құлап түсті, деп хабарлады Ақтөбе облыстық полиция департаменті.

«Автобус күтіп тұрған үш әйелдің үстіне әйнек шатыр құлап түсті. Зардап шеккен үш адам медициналық мекемеге жатқызылды» делінген хабарламада.

Қауіпсіздік талаптарына сай келмейтін жұмыстарды орындау немесе қызметтерді көрсету бойынша сотқа дейінгі тергеу басталды.