Австрияда Pfizer вакцинациясынан кейін 40-тан астам адам қайтыс болды

Австрияда Pfizer және BioNTech компанияларының Сovid-19 коронавирустық инфекциясына қарсы вакцинасынан кейін 41 адам қайтыс болды. Бұл туралы «РБК» Австрияның Денсаулық сақтау саласындағы қауіпсіздік жөніндегі федералдық ведомствоға сілтеме жасап жазады.

— Денсаулық сақтау саласындағы Федералды қауіпсіздік басқармасы COVID-19 вакцинасын алғаннан кейін көп ұзамай 41 өлім туралы хабарлама алды… әзірге вакцинамен байланыс туралы фактілер жоқ, нақтылау жалғасуда.

Ведомство мәлімдемесінде

Құжатқа сәйкес, үш науқаста сараптамадан кейін өлім себебінің вакцинамен байланысы табылмады. Тағы 11 адам коронавирус ауруының инкубациялық кезеңінде вакцина алу барысында қайтыс болды. 19 адамда өлімге әкелетін ауыр аурулар болды. Қалған сегіз науқастың өлімінің мән-жайы әлі анықталған жоқ, деп түсіндірді ведомство.