Ауыз су қауіпсіздігі мәселесі ШЫҰ-ның басты назарында

Ауыз су қауіпсіздігі мәселесі ШЫҰ-ның басты назарында 

Шанхай ынтымақтастық ұйымы Қазақстанның ұсынысы бойынша қауіпсіз ауыз су мен санитарияны қамтамасыз етудің ортақ тәсілдерін әзірлеуге кірісті, деп хабарлайды Orda.kz.

ШЫҰ-ға мүше мемлекеттер қауіпсіз ауыз су көздеріне, қарапайым санитарлық қызметтерге және салауатты гигиенаға қолжетімділіктің жоқтығы қазіргі заманның күрделі мәселесі екенін мойындайды.

Осыған байланысты Шанхай ұйымы су ресурстарын тұрақты дамыту мен ұтымды пайдалануға көбірек көңіл бөлу қажеттігін атап өтті.

Қазақстан ШЫҰ төрағасы ретінде осы мәселе бойынша белсенді диалогты, қаражат пен ресурстарды оңтайлы және тиімді пайдалану бойынша бірлескен шараларды әзірлеуді, озық тәжірибе алмасуды және халықты ауыз судың сапасы мен қауіпсіздігін қамтамасыз етуге кеңінен тартуды жақтайды. 

Осыған байланысты қазақстандық тарап ШЫҰ-да ауыз су қауіпсіздігін қамтамасыз ету тақырыбы бойынша осы саладағы өзара қолайлы шаралар мен шешімдерді әзірлеу үшін келіссөздер процесін бастады.