Ауыр машина жасау зауытының директоры пара алып сотталды

Петропавлда ауыр машина жасайтын зауыттың бас және атқарушы директоры пара алып сотталды. 

Бұл туралы қаржылық мониторинг агенттігі хабарлады.

Петропавл ауыр машина жасау зауытының бас және атқарушы директорларына қатысты, сондай-ақ мемлекеттік қорғаныс тапсырысы шеңберінде қозғалтқыштар мен гироблоктарды жеткізуді жүзеге асырған кәсіпкерге қатысты қылмыстық істі ҚМА тергеді. 

«2022 жылы зауыт Қорғаныс министрлігінен әскери техниканы жөндеуге тапсырыс алғаны анықталды, оны орындау кезінде жеке кәсіпкермен жалпы 283,3 млн теңгеге қосалқы бөлшектер жеткізуге шарт жасалды. Орындалған жұмыстар актілеріне кедергісіз қол қойғаны және шартты орындау кезінде жалпы  бас директор атқарушы директор арқылы кәсіпкерден 100 мың АҚШ доллары (45 млн теңге) сомасында пара алды»,– деп мәлімдеді агенттік.

Сотпен зауыттың бұрынғы бас директоры аса ірі мөлшерде пара алғаны үшін 11 жылға, атқарушы директор - 4 жылға бас бостандығынан айырылды.  Сонымен қатар, мемлекет кірісіне 40 млн теңге пара сомасына сатып алынған пәтер тәркіленді. Қалған 5 млн теңге сотталғандардан тең үлестермен өндірілді.