Ауыр атлет Игорь Сон Токио Олимпиадасының екінші қоласын иеленді

Токио Олимпиадасында Қазақстан құрамасының қоржынына кезекті жүлде түсті.  

Ауыр атлетикадан Игорь Сон 61 келіге дейінгі салмақта қола жүлдені  жеңіп алды, сөйтіп  Қазақстан командасы екінші жүлделі орынға қол жеткізді.

Игорь жұлқа көтеруде 131 келіні, серпе көтеруде 163 келі көтерді. Қоссайыс нәтижесі бойынша қазақстандық ауыр атлет 394 келі көтерді. Алтын медаль әлем рекордын жаңартқан қытайлық Ли Фабиннің еншісіне тиді.

Оның көрсеткіші - 313 келі. Күміс жүлдені 302 келіні көтерген индонезиялық Эко Юли Ирован еншіледі.

 Бастысы - бұл Игорь Сонның ересектер арасындағы ең үлкен нәтижесі. Бұған дейінгі әлемдік жарыстарда жерлесіміз  айтарлықтай көрсеткішке ие болмаған еді.