Ауылдағы интернет: бес рет уәде бердік, халық алдында ұят болды

Қазақстанда 1200 елді мекенде интернет жоқ, деп атап өтті Мәжіліс спикері.

Бұл туралы Orda.kz хабарлады.

Парламент Мәжілісінің Төрағасы Нұрлан Нығматулин цифрлық даму, инновация және аэроғарыш өнеркәсібі министрі Бағдат Мусиннен уәдесін орындауды және 2022 жылдың соңына дейін барлық елді мекендерді интернетпен қамтамасыз етуді сұрады.

– Бұрынғы министрлер келіп, мерзімді бір жылға, екі жылға шегерді. Бүгін мен министрмін, мүмкін ертең мен болмаймын, жауапкершілік менің мойнымда болмайды деп ойлайды. 2012 жылы бірінші уәде берілді, қазір 2021 жыл. Енді сіз бұл мерзімді 2022 жылға шегеріп отырсыз. Бұл жұмыс қашан аяқталады? Сіздердің уәделеріңіз қашан бітеді? - деп сұрады мәжіліс спикері.

Ол Қазақстанда 1200 елді-мекенде интернет жоқ, 510 аймақта жақында қосылды, оның өзінде байланыс сапасыз. Бағдат Мусиннің сөзіне қарағанда, 2022 жылдың соңына дейін олар жүзеге асырылған интернеттің сапасын жақсартуды, сондай-ақ басқа ауылдарды онымен қамтамасыз етуді жоспарлап отыр. Сонымен қатар, министр 50-ден аз адам тұратын жерлерде интернет қажеттілігі туралы пікірталас жүріп жатқанын айтты.

– Бағдат Батырбекұлы, сізге осындай өтініш бар: сіз өте жас министрсіз, жаңа ғана қызметке кірдіңіз, парламент сізді қолдады, сіздің кандидатураңыз комитеттерде мақұлданды. Бір нәтижеге келіңізші. Ертең халықтың алдында ұят болады: бес рет уәде берілді, бұл мерзім бес рет кейінге шегерілді. Бүгін сіз бұл мерзімді 2022 жылға шегердіңіз. 2012 жылдан бастап интернетпен жүз пайыз қамтамасыз етілетінін уәде еттіңіз. 10 жыл өтті, ғарышқа немесе Марсқа жіберу керек жоба емес. Барлық басқа елдерде, Еуропада кең жолақты интернет бар, - деді Нұрлан Нығматулин Мәжіліс отырысында.