Ауыл шаруашылығы техникасына жеңілдетілген лизинг беріледі

18 қазаннан бастап ауыл шаруашылығы техникасын жеңілдетілген лизингке алуға өтініштер қабылданады

Бағдарламаны жүзеге асыруға «ҚазАгроҚаржы» 25 млрд бөлінеді. 2023 жылдың 18 қазанынан бастап «ҚазАгроҚаржы» Жеңілдікті лизинг бағдарламасы бойынша өтінімдерді қабылдауды бастайды, деп хабарлайды компанияның баспасөз қызметі.

Бағдарламаның мақсаты отандық өндірілген/жиналған өздігінен жүретін ауыл шаруашылығы техникасын жеңілдетілген шарттармен қаржылық лизингке беру.

«ҚазАгроҚаржы» жеңілдетілген қаржыландыру бағдарламасын жүзеге асыруға 25 млрд теңге бөліп отыр.

Өтінімдерді қабылдау үшін «@KazAgroFinance.bot» Telegram-ботында электронды кезек қалыптасады. Бұл ретте шаруалар Telegram-ботқа өтініш берген күннен бастап бес жұмыс күні ішінде «ҚазАгроҚаржы» филиалына құжаттардың толық пакетін тапсыруы тиіс. Құжаттар мен нысандардың тізімін жоғарыдағы  сілтеме бойынша қарауға болады.

Жеңілдікті лизинг бағдарламасы туралы:

- мөлшерлеме – жылдық 6%;

- лизинг мерзімі – 10 жылға дейін;

- аванстық төлем – лизинг затының құнының 0%-нан;

- қамтамасыз ету - талап етілмейді;

- қаржыландыру лимиті – 205 млн теңгеден және лизинг затының 3 бірлігінен аспайды, бір лизинг алушыға қаржыландыру екі жылдық кезең ішінде бір реттен жиі берілмейді. 

Егер лизинг объектілерінің жалпы құны бір лизинг алушыға қаржыландыру сомасынан (аффилиирленген тұлғалар тобына) асып кетсе, соңғысы «ҚазАгроҚаржыға» аванстық төлем түрінде айырмашылықты төлеуге құқылы.