Ауыл шаруашылығы министрі оставкаға кете ме?

Ауыл шаруашылығы министрі Ерболат Қарашөкеев қазақстандық фермерлердің оны отставкаға жіберу талабына жауап берді.

Ауыл шаруашылығы министрлігінің басшысы «бұл сайланбалы емес, тағайындалған қызмет болғандықтан» үкімет мүшелері отставкаға кетуге әрқашан дайын болуы керектігін атап өтті.

«Нақты маған келсек, қазір ауыл шаруашылығын реформалау қажеттілігі туралы ешкім бастама көтерген жоқ. Кез келген реформа кезінде оны жақтаушылар мен даттаушылары болады. Мен барлық тараптармен ашық диалог жүргізуге дайынмын. Мен оларды тыңдауға дайынмын. Көңіл-күйге байланысты мәлімдемелерге түсіністікпен қараймын» деп түсіндірді министр.

Ерболат Қарашөкеев реформаларды талқылау үшін шаруалармен кездесулер белсенді өтіп жатқанын алға тартты.

«Кеше мен аймақтардан келген шаруалармен оффлайн кездесу өткіздім. Осы отырыстың басында 30 қатысушының бірі отставка туралы айтты. Кездесу төрт сағатқа созылды. Егер журналистер пікірталасқа соңына дейін қатысса, онда олар кездесудің соңында реформалар қажеттілігі туралы ортақ пікірге келгеніміздің куәсі болар еді» деді Қарашөкеев.

Еске салсақ, бұған дейін еліміздің әр өңірінен келген қазақстандық фермерлер Ауыл шаруашылығы министрі Ербол Қарашөкеевтің отставкаға кетуін талап еткен болатын.