Ауыл аманаты жобасы ауыл тұрғындарына шағын несие береді

Ауыл аманаты жобасы бойынша ауыл тұрғындарына 7,5 мыңға жуық шағын несие берілді. Оның ішінде несиенің 85 пайызы мал шаруашылығы саласына бағытталмақ.

Үкімет президенттің ауыл шаруашылығы кооперациясы арқылы ауылдағы кәсіпкерлікті дамыту жөніндегі тапсырмасын белсенді түрде жүзеге асыруда. Осы мақсатта «Ауыл аманаты» жобасы жүзеге асырылып, ол арқылы ауыл тұрғындарына 5-7 жыл мерзімге жылдық 2,5 пайызбен шағын несиелер берілуде.

Жобаның орындалу барысы Үкімет жанындағы «Ауыл аманаты» жобалық кеңсесінің кезекті отырысында талқыланды. Отырысқа Премьер-Министрдің орынбасары Тамара Дүйсенова қатысты. Өңірлердегі жағдай және жергілікті атқарушы органдардың бөлінген несие ресурстарын пайдалануы туралы ақпаратты Ауыл шаруашылығы министрлігі береді.

Мәселен, 2023 жылдың 13 қыркүйегіне 1388 ауылдық округті қамтитын 42 млрд теңгеге 7 429 шағын несие берілді. Оның ішінде шағын несиелердің 85%-ы мал шаруашылығына (35,8 млрд. теңге), 7%-ы өсімдік шаруашылығына (2,8 млрд. теңге), 5%-ы кооперативтерге ауыл шаруашылығы техникасы мен құрал-жабдықтарын алуға, 2,6%-ы басқа салаларға ( 1. 1 млрд. теңге) жұмсалады. 

Отырыс қорытындысы бойынша Премьер-Министрдің орынбасары жауапты мемлекеттік органдар мен өңірлерге облыстық, аудандық, ауылдық округтер деңгейінде жобалық кеңселер құру және цифрлық платформаны дамыту үдерісін жеделдету жөнінде тапсырмалар берді.

Биылғы жылдың соңына дейін барлық деңгейдегі әкімдіктер ауылдық округтерді саралап, олардың экономикалық мамандануын анықтауы, сондай-ақ кооперативтер құру жұмысын жандандыруы тиіс.

Сондай-ақ Жамбыл және Ақтөбе облыстарының оң тәжірибесі ұсынылды. Онда жобаны іске қосу алгоритмінен бастап, ауылдық округтерді скринингтен өткізу, ауылшаруашылық кооперациясын құру, дайын ауылшаруашылық өнімдерін өткізу тізбегін ұйымдастыру үдерісі жолға қойылған.