Әуежайда қызды кепілге алған адамды ұстаған бейнежазба жарияланды

Куәгерлердің айтуынша, шабуылдаушы алдымен терминал қызметкерінен құжат сұраған, артынша оның шашынан тартып бас салған. Алайда оны полиция емес, қарапайым жүк таситын қызметкерлер ұстап, қаруын тартып алды, деп хабарлайды Orda.kz.

«Ол жолаушы да емес, жай ғана терминалға кіріп келген адам. Оны жүк тасымалдайтын қызметкерлер ұстап, қаруын тартып алды», – дейді оқиғаның куәгерлері. 

Бейнежазбада кепілге алынған қыздың жан дауысы шыққаны анық естіледі. Ал шабуылдаушы оны пышақпен жаралайтынын айтып, қаруды тастауды талап етеді.

«Стволды орнына қой! Мен саған айттым! Қазір оның басын жұламын! Қаруды таста!», — деді ер адам сес көрсетіп. 

Козачковтың Telegram-арнасында жарияланған видеода қарапайым киімдегі ер адамның қалай қаруды тартып алуға септескені көрінеді.

Еске сала кетсек, Orda.kz бүгін Алматы әуежайында қызды кепілге алғаны жайлы жазған болатын.