Әуе қатынасын кеңейту: Атырау рейс санын көбейтті

Атыраудан аптасына қолданыстағы 73 тұрақты рейске қазақстандық әуе компаниялары Атыраудан Астана, Алматы, Ақтау, Шымкент қалаларына аптасына 49 рейс қосты, деп хабарлайды Orda.kz.

9 сәуір мен 12 сәуір аралығында Air Astana, Fly Arystan және SCAT әуе компаниялары қосымша 17 рейс қосты. Тасымалдау қабілеті 72%-ға артты.

«Қазақстандық тасымалдаушылармен Атыраудан тікелей рейстерде барлық эконом-класс тарифтері бір жаққа 40 мың теңгеден аспайтыны туралы келісімге қол жеткізілді. Бұл тарифтер 13 сәуір мен 24 сәуір аралығында қолжетімді болады» деп хабарлайды Азаматтық авияция комитетінің  баспасөз қызметі. 

Сондай-ақ қазақстандық әуе компаниялары су тасқынынан зардап шеккен аймақтарға 50 тоннаға жуық гуманитарлық жүкті тегін тасымалдағаны хабарланды.