Аудан әкімінің орынбасары пара алды деп айыпталуда

Шығыс Қазақстан облысының бір ауданы әкімінің орынбасары пара алғаны үшін ұсталды.

Бұл туралы Orda.kz хабарлады.

Сыбайлас жемқорлыққа қарсы іс-қимыл агенттігінің баспасөз қызметі хабарлауынша күдікті қамауға алынған.

Сыбайлас жемқорлыққа қарсы іс-қимыл агенттігінің ШҚО бойынша департаменті облыстағы бір аудан әкімінің орынбасарына қатысты 1 800 000 теңге сомасында, яғни кәсіпкерден айтарлықтай мөлшерде пара алу фактісі бойынша сотқа дейінгі тергеу жүргізуде. Күдікті адам қамауға алынды, - деп хабарлады сыбайлас жемқорлыққа қарсы қызмет.

Хабарламада айтылғандай, басқа мәліметтер тергеу мүддесіне байланысты жария етуге жатпайды. Жаза дәрежесін анықтайтын түпкілікті үкімді сот шығарады.