Ауа райының қолайсыздығынан екі облыстағы жолда көлік қозғалысы шектелді

«Алматы – Талдықорған – Өскемен – Шемонаиха – РФ шекарасы» республикалық тас жолының Абай облысы мен Шығыс Қазақстан облысындағы учаскелерінде көліктің барлық түрлеріне қозғалысқа шектеулер енгізілді, деп хабарлайды Orda.kz «ҚазАвтоЖол» ҰК» АҚ баспасөз қызметіне сілтеме жасап.

Абай облысының Қалбатау ауылынан Шығыс Қазақстан облысының шекарасына дейін (971-1013 шақырым), ал Шығыс Қазақстан облысында Абай ауданының шекарасынан Ұлан ауылына дейін (1013-1048 шақырым) көлік қозғалысы жабылды.

Сонымен қатар, сағат 16:00-ден бастап Абай ауданында да Өскемен – Семей тас жолының Семейден Шығыс Қазақстан шекарасына дейінгі бөлігінде (103-198 шақырым) көлік қозғалысы шектелді.

Шығыс Қазақстан облысында - Өскемен-Семей автомобиль жолының Герасимовка ауылынан Абай облысының шекарасына дейінгі учаскеде (10-103 шақырым), «Алматы – Талдықорған – Өскемен – Шемонаиха – Ресей Федерациясы» автомобиль жолының Предгорное ауылынан Шемонаиха қаласына дейінгі учаскесінде (1125-1191 шақырым), «Алматы – Талдықорған-Өскемен – Шемонаиха – Ресей Федерациясы» тас жолының Шемонаиха қаласынан Ресей Федерациясының шекарасына дейінгі (1194-1212 шақырым)  учаске жабық.

Жолдың болжамды ашылу уақыты 3 ақпан күнгі сағат 6:00.