Ауа райының қолайсыздығынан Қарағанды облысының жолдары жабылды

Алдағы күндерде қатты боран мен көктайғақ күтіледі. Оңтүстік-батыстан соғатын жел секундына 15-20, екпіні 23-28 м/с, облыстың солтүстік-батысында кей жерлерде 30 м/с және одан да жоғары болуы мүмкін.

Ұзақ қашықтыққа, әсіресе түнде және ауа-райы нашарлаған кезде жолға шықпау  және жаяу жүруден бас тарту ұсынылады.

Төтенше жағдай туындаса 112 немесе 8 (7212) 43-36-36, 43-37-37 телефондары арқылы қоңырау шалу қажет.

 «Екатеринбург-Алматы» республикалық тас жолының учаскелерінде ауа райының нашарлауына байланысты қоғамдық және жүк көліктерінің қозғалысына шектеу енгізілді.

Сондай-ақ бірнеше республикалық жолдың бірнеше учаскесінде көлік қозғалысы тоқтатылды.