Ауғанстанның эвакуациялық рейсінде туылған нәрестеге ұшақтың аты берілді

Ауғанстаннан эвакуациялық рейс кезінде дүниеге келген нәресте АҚШ әуе күштерінің ұшағының атымен аталды. Ол дәл осы ұшақ бортында дүниеге келген.

Бұл туралы Orda.kz CNN телеарнасына сілтеме жасап хабарлайды.

- Біз C-17 бортында дүниеге келген баланың анасы мен әкесімен сөйлестік. Олар Рамштайнға [Германиядағы американдық база] келді. Дүниеге келген қыз балаға «Рич» деп ат қойылды. Өйткені, оларды базаға жеткізген C-17 ұшағының Reach деген лақап аты болған, – деді АҚШ қарулы күштерінің еуропалық қолбасшылығының басшысы, генерал Тод Уолтерс.

Ричтің ата-анасы Талибан басып алған Ауғанстаннан қашқаннан кейін, Катар арқылы Германияға ұшып кетті.