Ауғанстаннан Алматыға қанша адам келді?

18 тамызда Алматыға Ауғанстаннан екі ұшақ келді. Бірінші рейсте 25 қазақстандық және 17 шет мемлекеттің азаматы болған. Екінші бортпен БҰҰ -ның 141 қызметкері Алматыға келді.

Бұл туралы Orda.kz Хабар 24-ке сілтеме жасап хабарлады.

18 тамыз күні кешке Қазақстан Республикасы Әскери-әуе күштерінің бортында 42 жолаушысы бар С-295 әскери-көлік ұшағы Алматы әуежайына қонды. Оның ішінде 25 қазақстандық, 15 ересек адам мен 10 бала, 17 шет мемлекет азаматтары бар, оның 14-і қырғыз.

– Мен Қырғыз Республикасының азаматтарын эвакуациялауға көрсетілген көмек үшін үлкен ризашылығымды білдіргім келеді. Қауіпсіз эвакуация үшін. Олар Қазақстанға аман-есен оралды, әрі қарай автокөлікпен Қырғызстанға жеткізіледі, - деді Қырғыз Республикасының Алматыдағы Бас консулдығының консулы Қайратбек Жақыпов.

Кейін екінші ұшақпен БҰҰ қызметкерлері елге әкелінді. Ауғанстанға көмек миссиясынан барлығы 141 жұмысшы келді. БҰҰ республика басшылығынан қызметкерлерді уақытша тұрғызуға және қашықтан жұмысқа қабылдауды сұрады. Президент бұл ұсынысты қолдады. БҰҰ қызметкерлері елде бірнеше ай болады деп болжануда. Олардың өмір сүру шығындарын БҰҰ көтереді.

– Бізді қабылдағаны үшін Қазақстанға өте ризамыз. Қазіргі уақытта Қазақстанда тек кеңселеріміз бар. Бірақ БҰҰ Ауғанстаннан кетпейтінін түсіндіруге рұқсат етіңіз. Қазір миллиондаған ауғандықтарға гуманитарлық көмек көрсетуге болатын маңызды сәт, - деді БҰҰ-ның Қазақстандағы тұрақты үйлестірушісі Микаэла Фриберг-Строй.

Елге келгендердің арасында АҚШ, Канада, Шри-Ланка, Африка елдерінің азаматтары бар. Олардың барлығында БҰҰ төлқұжаты бар.

Еске салсақ, бұған дейін Қазақстанның Ауғанстандағы дипломатиялық миссиясының өкілдері Кабулдағы отандастарының эвакуациясы туралы айтқан болатын. БҰҰ Бас хатшысының өкілі Стефан Дюжаррик қауіпсіздік мақсатында БҰҰ-ның 100-ге жуық қызметкері Кабулдан Алматыға қашықтан жұмыс істеуге ауыстырылатынын, егер олар рұқсат етсе, Ауғанстанға оралатынын айтты.