Ауғанстандық босқын әйел ұшақта босанды

Ауғанстаннан алысқа кетуге асығып, әуежайдан шығып үлгерген босқын әйел ұшақтың ішінде босанды. Ұшу кезінде басталған толғақ жол бойы үдей берген. Германияға келіп қонғаннан кейін әйел дәл сол ұшақ ішінде қызды болды.

Бұл туралы Orda.kz хабарлайды.

Ана мен балаға жергілікті медицина қызметкерлері көмектескен.

«Германиядағы «Рамштайн» әуе базасына қонған кезде әуе кемесінде бала туылғаннан бірер сәттен кейін 86-шы медициналық көмек тобының көмекші қызметкерлері Ауғанстаннан келген анаға және оның отбасына АҚШ әуе күштерінің ұшағында көмектесті...» делінген Twitter-дегі хабарламада.

Ұшу кезінде толғағы келген әйелдің жағдайына қарай командир биіктікті азайтып, ауа қысымын көбейтуге тырысқан. Ол ана мен балаға айрықша көмегін тигізген.

Еске салайық, Ауғанстанды талибандар* басып алғаннан кейін жергілікті тұрғындар елден қаша бастаған. Барлығы Кабулдағы әуежай арқылы ұшып кетуге тырысып жатыр. Елден кетуге асыққандар саны әлі де азаймай тұр.

Талибан»* қозғалысы – Қазақстан аумағында тыйым салынған террористік ұйым