Ауғанстанда мешіттегі жарылыстан 30-дан астам адам қаза тапты

Ауғанстанның солтүстігіндегі мешітте жарылыс болды деген болжам бар. 33 адам қаза тауып, тағы 43 адам жарақат алған.

Бұл соңғы күндері Ауғанстанда орын алған төртінші лаңкестік әрекет.

Қаза тапқандар арасында балалар да бар, деп хабарлайды DW «Талибан»  (Қазақстанда тыйым салынған террористік ұйым - ред.) өкілі Забихулла Муджахид ұйымына  сілтеме жасап.

Жарылыс жұма намазы кезінде болған. Талибан өкілі оқиғаны айыптап, қаза болғандардың туыстарына көңіл айтты.

19 сәуірде Кабулдың шииттер аймағындағы ұлдар мектебінің алдында жарылыс болды. Содан алты адам қайтыс болды. Ал 21 сәуірде Мазари-Шарифтегі шииттердің мешітінде теракт жасалып, 16 адам қаза тапты. Бұл шабуылды ИМ (Қазақстанда тыйым салынған террористік ұйым – ред.) өз мойнына алды. «Талибан» қозғалысының мәліметінше, бұл жарылыстарды ұйымдастырушылардың бірі қазірдің өзінде ұсталған.