Ауғанстан: мешітте болған терактің бейнежазбасы жарияланды

Содырлар Ауғанстанның оңтүстігінде орналасқан Кандагар қаласындағы ең үлкен мешіттердің бірін жарып жіберген. 63 адам көз жұмған терактің бейнежазбасы жарияланды.  

Бұл туралы Orda.kz хабарлайды.

Бейнежазбада қолдарында пулеметі бар екі лаңкестің мешітке қарай қалай бет алып бара жатқаны және ғимараттың кіре берісіндегі күзетшілерге оқ атқаны көрсетілген. Басқа кадрлардан мешіттің ауласы мен шыға беріс жаққа жанұшыра қашқан адамдар тобын байқаймыз. Террористер адамдарға оқ жаудырып, кейін өз-өздерін жарып жіберген.

Террорлық шабуыл 15 қазанда қала орталығындағы Имам Баргах мешітіндегі жұма намазы кезінде болды. Соңғы мәліметтер бойынша, оқиға салдарынан 63 адам қаза тапты.

ویدیو: منابع به آماج می‌گویند که در انفجار مسجد شیعیان کندهار دست‌کم ۲۰ تن جان باخته اند، اما منابع رسمی تاکنون در مورد تلفات این رویداد چیزی نگفته‌اند.#آماج_نیوز pic.twitter.com/mMoLMILfGn

— Aamaj News (@aamajnews24) October 15, 2021