Ауғанстан мешітінде террорист өз-өзін жарып, 100-ден аса адам қайтыс болды

8 қазан күні Ауғанстанның Құндыз провинциясындағы шейіттік бағыттағы мешітте ер адам өзін-өзі жарып жіберді. Салдарынан 100-ден астам адам қаза тауып, тағы сонша адам жарақат алды.

Қайтыс болғандар мен зардап шеккендердің барлығы мешітке жұма намазына келгендер. «Талибан» қозғалысы (Қазақстанда және кқптеген елдерде тыйым салынған) Құндыз провинциясындағы жарылысты айыптап, кінәлілерді жазалауға уәде берді.

— Ислам әмірі бұл қорқынышты әрекетті айтыптап, осы ауыр қылмыс үшін кінәлілерді табуға және жазалауға уәде береді, – деп жазды Талибанның ресми өкілі Забихулла Муджахид Twitter-де.

Мәліметтер бойынша жарылыс орнына арнайы жасақ келіп, тергеу жүргізуде.

Бұл шабуылды БҰҰ Бас хатшысы Антонио Гутерриш те айыптады.

— Бас хатшы бұл варварлық шабуылды айыптайды және қаза тапқандар мен зардап шеккендердің отбасыларына көңіл айтады, – деді Бас хатшының өкілі Стефан Дужаррик.

Жарылысты «Ислам мемлекеті - Вилаят Хорасан» террористік тобы (Қазақстанда тыйым салынған ДАИШ террористік тобының бөлігі) өз мойнына алды, деп хабарлайды Aamaj News.