Ауғанстан халқына ашаршылық қаупі төніп тұр – БҰҰ

Ауғанстан халқының жартысынан астамы (22,8 миллион адам) қараша айынан бастап азық-түлік жетіспеушілігі мәселесіне тап болады. Біріккен Ұлттар Ұйымының Дүниежүзілік азық-түлік бағдарламасы зерттеулерінде осы мәселе айтылған.

Бұл туралы Orda.kz хабарлайды

– Азық-түлік қауіпсіздігінің жаңартылған классификациясына (IPC немесе ICF) сәйкес, Ауғанстанның әрбір екінші тұрғыны 2022 жылдың қарашасынан наурызына дейін қауіпті кезеңде болуы мүмкін. Мұндай жағдайда қоректік заттардың негізгі қажеттіліктерін қанағаттандыру және тіршілікті қамтамасыз ету үшін шұғыл гуманитарлық көмек қажет, - дейді ұйым.

Құрғақшылық, әскери қақтығыстар, COVID-19 пандемиясы мен экономикалық дағдарыстың жиынтығынан ауғандардың азық-түлікке қол жеткізуі мен өмір сүруі қиындаған.

Қыркүйек пен қазан айындағы мәлімет бойынша, 18,8 миллион ауған азаматтары азық-түлік қауіпсіздігінің қиындығына тап болған. IPC классификациясы бойынша бұл бес кезеңнің үшеуі – дағдарыс, төтенше және апатты кезеңдер.