Ресми жауап: Қазақстан Ауғанстан шекарасына әскер жібере ме?

Ауғанстандағы жағдай ушығып кетсе, тәжік-ауған шекарасына қазақстандық сарбаздарды жібере ме? Бұл туралы Орталық коммуникациялар қызметіндегі брифингте Қазақстан Республикасы Қорғаныс министрінің орынбасары Тимур Дандыбаев айтты.

Бұл туралы Orda.kz хабарлайды.

– Халықаралық бейбітшілік пен қауіпсіздікті қамтамасыз ету және қолдауға әскер жіберу үшін біз бірнеше шарттарды орындауымыз керек. Шарттардың бірі, ҰҚШҰ елдерінің бірінің практикалық көмек көрсету туралы ресми үндеуі, - деді Дәндібаев.

Екіншіден, Ұжымдық қауіпсіздік кеңесі деңгейінде шешім қабылдау және парламенттің бекітуі қажет.

– Біздің елдің парламентінің рұқсатымен ғана кез келген шектеулі контингент өзінің халықаралық миссиясын орындауға жіберіледі. Егер бұл шарттар орындалса, біз, тиісінше, халықаралық міндеттемелерімізді орындауға дайын боламыз, - деп нақтылады ол.

7 шілдеде Тәжікстан билігі ҰҚШҰ-ға мүше елдерден көмек сұрады, бұл Ауғанстанмен шекарадағы жағдай американдық әскерлер аймақтан шыққаннан кейін пайда болды. Еліміздің ұйымдағы тұрақты өкілі Хасан Султоновтың айтуынша, екі мемлекет арасындағы шекара таулы аймақ болып табылады және қазіргі жағдайда Тәжікстан басшылығы оны жалғыз өзі басқаруы қиынға соғуда.