Ауған студенттеріне қатысты ақпаратты министрлік тексеріп жатыр

Білім және ғылым министрлігі Қазақстанда оқитын ауған студенттеріне чартерлік рейск шығарылатынын растамады.

Бұл туралы Orda.kz хабарлады.

26 тамызда Sputnik Қазақстан агенттігі ҚР Білім және ғылым министрлігі халықаралық ынтымақтастық департаментінің басшысы Эльмира Асанға сілтеме жасай отырып, Қазақстанда оқитын ауған студенттерінің чартерлік рейс арқылы оқуға қайтарылатынын хабарлады.

Orda.kz тілшісі ақпаратты растау үшін Білім және ғылым министрлігіне жүгінді. Министрліктің өкілі алдымен олардың «тасымалдаумен айналыспайтынын» айтып, оларды сыртқы істер министрлігіне жіберді.

Сыртқы істер министрлігінің өкілдері бұл ақпаратты жоққа шығарды, бірақ кейін оны Білім және ғылым министрлігіне қайта бағыттады.

Енді Білім және ғылым министрлігі бұл ақпарат қалай тарап кеткенін және оның қаншалықты рас екенін анықтап жатыр.

Бұған дейін Қазақстандағы жоғары оқу орындарында оқитын ауған студенттері оқуға қайта оралмайтындықтарын айтқан. Кейін ҚР Сыртқы істер министрлігінің ресми өкілі Айбек Смадияров Ауғанстанмен көлік байланысы, оның ішінде транзитті қайта қалпына келтіре салысымен, студенттерге виза берілетінін және олардың Қазақстанға оқуға қайтып оралуға болатынын айтты.