Ауған студенттері шетелдегі оқуын жалғастыруы керек – Тоқаев

Мемлекет басшысы Қасым-Жомарт Тоқаев ауған студенттерінің жоғары білім алуына кедергі болмау керектігін айтты. Қазақстанда жалпы саны 200-ге жуық ауған студенттері оқиды.

Бұл туралы Orda.kz хабарлайды.

Оның айтуынша, адами капиталға салынған инвестициялар ұзақ мерзімді перспективада тұрақты болашақты қамтамасыз етеді.

– Осыған байланысты осы елдің азаматтарына арналған білім беру бағдарламаларын жүзеге асыруды жалғастыру маңызды. Бүгінде Қазақстанда Ауғанстаннан  келген 200-ге жуық студент білім алады. Ауғанстанның жаңа билігі тарапынан ешқандай кедергі болмайды деп сенемін, - деді Тоқаев.