Атышулы өлім: Әйелін 18 жерден пышақтаған еркекке 10 млн айыппұл салынды

Алматы қаласы Алмалы аудандық сотына ер азамат марқұм әпкесінің өліміне айыпты қылмыскерден моральдық шығын үшін 50 миллион теңге өндіріп беру туралы талап арызбен жүгінді. 

Бұл туралы соттың баспасөз қызметі хабарлады.

Сотталушы бұрынғы әйелімен жанжалдасып, оны 18 жерден пышақтап өлтірді. Әйел осы жарақаттардан ауруханада көз жұмды.

Марқұмның ағасы сотта оның өлімі өзіне және оның барлық жақындарына қайғы әкелгенін айтты. Әжесі мен әкесі осы оқиғадан соң, қазаны көтере алмай қайтыс болыпты. Ол отбасына келтірілген моральдық шығынды 50 миллион теңгеге бағалады.

Сотта бұл талап мойындалмады. Әйелдің өліміне кінәлі айыпты қылмыс жасағаны үшін 11 жылға бас бостандығынан айырылды.

Сот талап арызды ішінара ғана қанағаттандырды.  Парасаттылық пен әділдік талаптарын басшылыққа ала отырып, моральдық зиянды өтеу ретінде талапкердің пайдасына 10 миллион теңге өндірілді.

Шешім заңды күшіне енген жоқ.

Еске сала кетейік, 2022 жылдың қазан айында адвокат Айман Асанова бұрынғы күйеуінің қолынан қаза тапқан болатын.