Атышулы «Бірақ» телешоуының басты кейіпкері ажырасуға бел буды

«Бірақ» бағдарламасында тиран күйеуімен жүздесіп, ауыр психологиялық соққы алған әйел ақыры ажырасуға арыз берді.

Бұл туралы әйелдің адвокаты өзінің instagram парақшасында жариялады.

Анна Рылдың айтуынша, онымен «Хабар» телеарнасы хабарласып, «Қорғау Астана» орталығынан пана тапқан әйелден сұхбат алуды ұсынды. Үйленгеніне 18 жылдан асқан әйелдің алты баласы бар. 18 жыл бойы күйеуі оны ұрып-соғып, ішімдік ішіп келді. Ер адам әйелінің қолын сындырғанда ол балаларымен Шымкенттен Астанаға қашып кеткен. Уақытша баспанада тұрып, жұмыс істеді.

Агрессор оны тауып алып, жанжал шығарды. Бірақ көршілер полиция шақырды. Ақыры әйел қолдау көрсету орталығына келді.

Әйелдің адвокаты рейтинг үшін жылдар бойы қол көтеріп келген күйеуімен жолықтырып, қайтадан қайғысын есіне түсіргені үшін телеарнаның бұл ісін құптамай отыр.

«Кешегі күн жақсы жаңалықпен аяқталды! Гүлмираны ажырасу рәсімінің аяқталуымен құттықтаймыз. Сонымен қатар наурыз айында біз алимент өндіру туралы талап арыз бердік, сот шешімі бойынша сома әр балаға небәрі 10 000 теңге болды. Алимент өндіру туралы шешім заңды күшіне әлдеқашан енді. Бірақ әлі күнге дейін алимент төленбеді. Соның өзінде біз тағы жағдайды еңсердік! Қандай жағдай болса да, уайымға салынбаңыз. Сізді қолдайтын адам қашанда табылады», — деді Анна Рыль.