Атырауда жүргізушілер жалақының көтерілуіне қол жеткізді

Мұнай өңдеу зауытындағы мердігер ұйымының жұмысшылары жалақысын 30 пайызға көтеруді талап етті, деп хабарлайды Ақжайық.

Жиналғандардың барлығы «Gold Sunray» ЖШС жүргізушілері. Компания «Қызметтік көліктермен, арнайы техникамен тасымалдау қызметтері, оның ішінде техникалық қызмет көрсету қызметтері» шарты бойынша мұнай өңдеу зауыттарына тасымалдау қызметін көрсетеді.

Ереуілге шыққан компания жүргізушілері зауыттың бас кеңсесінің алдына жиналды. Жиналғандар бағаның өсуі мен инфляцияға байланысты жалақыны көтеруді талап етті. Оларға «Gold Sunray» ЖШС мен «ANPZ» ЖШС басшылығы келді, деп хабарлады зауыттың баспасөз қызметі.

«Компанияның және зауыттың басшылары ереуілшілермен кездесіп, оларға жалақыны 10 пайызға көтеру туралы шешім қабылдағанын жеткізді. Нәтижесінде мәселе шешілді, жұмысшылар өз жұмыс орындарына оралды»  деп хабарлады зауыттың баспасөз қызметі.