Атырауда кісі өлтіргені үшін 20 жыл іздеуде болған Өзбекстан азаматы ұсталды

Атырау полицейлері шетелдіктің уақытша тұратын жерін тінту барысында тыйым салынған діни кітаптар мен дискілерді тәркіледі. Күдікті қамауға алынды.

Атырау облысы ТЖД экстремизмге қарсы күрес басқармасының қызметкерлері ауыр қылмыс жасағаны үшін 20 жыл бойы халықаралық іздеуде болған Өзбекстан азаматын ұстады, деп хабарлайды Polisia.kz.

48 жастағы ер адамға қасақана кісі өлтіргені және заңсыз қару сақтағаны үшін Өзбекстан Қылмыстық кодексінің 97-бабының 2-бөлігі және 248-бабының 2-бөлігі негізінде іздеу жарияланды.