Атырауда 60 га жер өртенді

Атырау маңында қамыс өртенді. 20 қыркүйек күні кешке «Ақжайық» мемлекеттік табиғи резерваты аумағынан өрт шықты. Жалын шарпыған аумақ 60 га құрайды.

Ведомствода нақтылағандай, батпақтың кесірінен ол жерге өрт сөндіру техникалары жете алмаған. Алайда елді мекендер қатерден тыс.

– Өрт ошағына жететін жолда батпақты жерде тұрып қалған «ТРЭКОЛ»маркалы жол талғамайтын көлік толығымен жанып кетті. Қаза болғандар мен зардап шеккендер жоқ, – деп хабарлады Атырау облыстық ТЖД баспасөз қызметі.

21 қыркүйек күні таңертең сағат 07:30-да Ми-8 тікұшағы барлау жұмыстарын жүргізді.