Атырау облысында сұйытылған газдың бағасы көтерілді

Атырау облысында  онсыз да жетіспейтін сұйытылған газ 4 теңгеге қымбаттады, деп хабарлайды Orda.kz. тілшісі.

Атырауда кәсіпкерлер сұраған сұйытылған газ көлемін ала алмай отыр. Олардың айтуынша, көгілдір отынның үнемі тапшылығынан бизнес соңғы кездері тек шығынға ұшыраған. Облыстық энергетика және тұрғын үй-коммуналдық шаруашылық басқармасы газ тапшылығы мәселесі барлық дерлік кәсіпкерлер үшін өзекті екенін хабарлады. Дегенмен жаңа баға жарияланды.

Атырау облысының ішкі нарығында көлік құралдарына жанар-жағармай құюға арналған сұйытылған мұнай газын бөлшек саудада өткізу үшін бағалар Қазақстан Республикасы Бәсекелестікті қорғау және дамыту агенттігі (БЖҚА) Төрағасының маусымдағы 2023 жылғы  30 мусымдағы бұйрығына сәйкес енгізіледі.

Осы бұйрыққа сәйкес 2023 жылғы 1 шілдеден бастап Атырау облысының ішкі нарығында сұйытылған мұнай газын бөлшек саудада сатуға жаңа шекті бағалар енгізілді:

• облыс орталығынан 200 шақырымға дейін (Атырау қаласы) - литріне 54 теңге,

• облыс орталығынан (Атырау қаласы) 200 шақырымнан астам жерде — литрі 59 теңге.

Атырау облысында сұйытылған газды сатумен айналысатын 32 кәсіпорын бар, жалпы станциялар  саны 103. Атырау облысы сұранысы айына шамамен 9 мың тонна сұйытылған газ қажет, бірақ іс жүзінде облыс небәрі 4 -5 мың тонна  газ алады.