Атырау облысында Каспий жағалауындағы қамыс өртеніп жатыр

Каспий теңізі жағалауындағы қамыс  тағы өртеніп жатыр, деп хабарлайды Orda.kz тілшісі.

Әзірге Атырау облысының әкімдігі де, Төтенше жағдайлар департаменті де толық мәлімет берген жоқ. Өрт ауқымы тікұшақпен бағаланатыны ғана белгілі.

«Қала маңындағы Кеңөзек ауылынан 30 шақырым жерде қамыс өртеніп жатыр, елді мекендерге қауіп төніп тұрған жоқ. Өрт ошағы Каспий теңізі жағалауында», - деді Атырау облысы Төтенше жағдайлар департаменті бастығы міндетін атқарушы Асқат Ержанов.

Атырауда қамыс жиі өртенеді. Өрт сөндірушілер сәуір айында бес күн бойы өртпен күресті. «Қазақстан Ғарыш Сапары» ғарыштық мониторингіне сүйене отырып, «Ақжайық» ТЖМ мәлімдеуінше, өрттің жалпы аумағы 1200 гектар болған.