Атырау облысында футбол матчы адам өлімімен аяқталды

4 қаңтарға қараған түні  Сағыз ауылында өткен футболдан жолдастық кездесу 22 жастағы жігіттің қазасымен аяқталды.

Ойын барысында жігіттер арасында жанжал туындап, арты  төбелеске ұласқан. Салдарынан бір адам ауруханаға жеткізілді. Ал екіншісі, әскерден жақында оралған 22 жастағы жігіт пышақ жарақатынан көз жұмды, деп хабарлайды caspiannews.kz порталы.

Қылмыс жасады деген күдікпен 24 жастағы ауыл тұрғыны ұсталды. Оған қатысты «Адам өлтіру» бабы бойынша сотқа дейінгі тергеу амалдары жүргізілуде.