Атырау мұнай өңдеу зауытында күкіртті сутегінің артық шығарындылары анықталды

Мұнай өңдеу зауытын жоспардан тыс тексеру күкіртті сутегі шығарындыларының шамадан айтарлықтай асып кеткенін көрсетті.

Экология департаменті Атырау мұнай өңдеу зауыты станцияларында күкіртсутектің рұқсат етілген концентрациясынан асып кеткенін хабарлады. №109 «Шығыс» стансасында 5,3 есе, №103 «Шағала» стансасында – 5 есе, №112 «Әкімдік» стансасында – 3,2 есе, №114 «Загородная» стансасында –  3,9 есе және №108 «ТКА» стансасында 9,23 есе, деп хабарлайды ATpress.

Мұнай өңдеу зауыты әкімшілік жауапкершілікке тартылады, деп хабарлайды облыстың экология департаменті.

Бір күн бұрын атыраулықтардан қаланың әр жерінде күкіртсутек пен мұнай өнімдерінің иісі шыққаны туралы көптеген хабарламалардан кейін экология департаменті зауытты жоспардан тыс тексеруге кірісті.