Атыраулық туды көліктің капотына ілгені үшін жазаланды

Атырауда көліктің капотына Қазақстанның мемлекеттік туын жапсырған жүргізуші жазаланды.

Бұл туралы Orda.kz Polisia.kz-ке сілтеме жасап хабарлады.

Оқиға 16 тамызда орын алды. Бейнебақылау жүйелері Еркінов пен Амандосов көшелерінің қиылысында Kia Rio автокөлігін байқады. Онда Қазақстан туы орнатылған.

Сигнал алған патрульдік полиция оқиға орнына аттанды. Белгілі болғандай, көлікті 38 жастағы жүргізуші басқарған.

Ол Әкімшілік кодекстің 458-бабы бойынша жазаланды.

Жүргізушіге 72 925 теңге айыппұл салынды.