Атыраулық шенеунік артық жатқан 54 млрд теңгені қолды еткен

Атырауда №2 соты білім бөлімі басшысының бұрынғы орынбасары, бюджет қаржысын жымқырды деп айыпталған Толғанай Көлбаеваға қатысты үкім шығарды.

Бұл туралы Orda.kz Мой город басылымына сілтеме жасап хабарлады.

Іс материалдарынан 2015 жылдан 2020 жылға дейін шенеунік өзінің қызметтік жағдайын пайдалана отырып, сыбайластарымен бірге 111 млн теңге жымқырған.

– Бұл ақшаның 54 млн теңгесін Көлбаева иемденді. Қалған ақша оның сыбайластарының қалтасына кетті. Олар жалақыларын заңсыз есептеу арқылы қылмыс жасаған. Көлбаева ақшаны банктік картасына, сондай-ақ анасының картасына аударған, - делінген құжатта.

Сот барысында әйел кінәсін мойындап, өкінетінін айтты. Ол тергеумен белсенді жұмыс жасап, жымқырылған қаржыны толығымен қайтарды. Сот үкім шығарған кезде сотталушының кәмелетке толмаған балалары бар екенін ескерді.

Бұрынғы шенеунік кінәлі деп танылып, қылмыстық-атқару жүйесінің орташа қауіпсіздігі жүйесінде жеті жылға бас бостандығынан айрылды. Сонымен қатар, оған мемлекеттік қызметте лауазымды қызмет атқаруға өмір бойына тыйым салынды. Алайда, сотталушының жас балалары бар болғандықтан, сот жазаны бес жылға кейінге қалдыру туралы шешім қабылдады.

Үкім заңды күшіне енген жоқ, оған шағымдануға болады.