Атыраудың экс-әкімінің ұсталуы: прокуратура деректермен бөлісті

Атырау облысының прокуратурасы Атыраудың бұрынғы әкімі Қайрат Оразбаевтың ұсталғаны туралы ақпаратты растады.

Мекеменің мәліметінше, бұрынғы шенеунікке қатысты бұлтартпау шарасы әлі қолға алынбаған. Айтпақшы, құзырлы орган сотқа дейінгі тергеуді бастап та кетті.

«9 қарашада ҚР ҚК 4-бөлігі 2-тармағында көзделген қылмыстық құқық бұзушылықты жасады деген күдікпен жүргізілген тергеу аясында Атырау қаласының экс-әкімі Қ.Қ.Оразбаев ҚР ҚК 190 бабы бойынша ұсталды (Атырау қаласы УПҚ уақытша ұстау изоляторына орналастырылды). Қылмыстық іс жүргізу кодексінің 201-бабына сәйкес өзге мәліметтер жария етуге жатпайды. Тергеу жалғасуда» деп хабарлады мекеме.

Прокуратура сонымен қатар Оразбаевтың Атырау қаласы әкімдігінің басқа да шенеуніктерімен бірге алаяқтық жасады деген күдікке ілінгенін қосты. 2020-2022 жылдар аралығында лауазымды тұлғалардың жеке тұрғын үй құрылысы үшін рекреациялық аймақтарға (жасыл алаңдар, саябақтар, скверлер, жағалаулар және т.б.) тиесілі жер телімдерін заңсыз бергені анықталды.

Қайрат Оразбаев 2020-2022 жылдары әкім қызметін атқарған. Қаңтардағы тәртіпсіздіктерден кейін ол өзі берген арызы негізінде қызметінен босатылды.